Израилдин Батыш Шериадагы рейддери
7-октябрдан бери жүргүзүлгөн камоолорго байланыштуу акыркы маалыматтар бөлүшүлдү.
Израиль аскерлери, басып алынган Батыш Шериага жүргүзгөн рейддери учурунда балдар да арасында болгон кеминде 35 палестиналыкты камакка алды.
Палестиналык туткундар коому менен Палестинаны боштондукка чыгаруу уюмуна караштуу Туткундар жана эркиндикке чыгарылгандар делегациянын биргелешкен билдирүүсүндө, 7-октябрдан бери жүргүзүлгөн камоолорго байланыштуу акыркы маалыматтар бөлүшүлдү.
Израиль күчтөрүнүн Батыш Шериада акыркы 24 саатта жүргүзгөн операциясында балдар да арасында болгон кеминде 35 кишинин кармалганы билдирилди.
Бул камоолордун Батыш Шериадагы Ята, Бейтүллахим, Женин жана Рамалла шаарлары менен Кудста болгону белгиленди.
Рейд учурунда Израиль күчтөрүнүн палестиналыктарды сабап, үйлөрүнө жана унааларына зыян келтиргени айтылды.
Басып алынган Батыш Шериа жана Чыгыш Кудуста 7-октябрдан бери камалган палестиналыктардын санынын 7305ке жеткени маалымдалды.
Израиль армиясынын Газа тилкесине чабуулун баштаган 7-октябрдан бери Батыш Шериа жана Чыгыш Кудста палестиналыктарды кармоолор, рейддер жана кол салуулар күчөдү.
