Хуситтер АКШ менен Улуу Британия Худейда шаарына 5 жолу абадан кол салганын жарыялады
Хуситтердин Аль-Месира телеканалынын кабарына караганда, АКШ жана Англиянын согуштук учактары Худейда шаарынын Эс-Салиф районундагы Рас-Иса аймагын бутага алды.
Йеменде Иран колдогон хуситтер Америка Кошмо Штаттары (АКШ) менен Улуу Британиянын өлкөнүн батышындагы Худейда шаарына 5 жолу абадан кол салганын жарыялады.
Хуситтердин Аль-Месира телеканалынын кабарына караганда, АКШ жана Англиянын согуштук учактары Худейда шаарынын Эс-Салиф районундагы Рас-Иса аймагын бутага алды.
Кабарда 5 жолу болгон кол салуулардан улам каза болгондор жана кыйроолор тууралуу маалымат берилген жок.
Худейда шаары узун жээги менен бирге үч маанилүү портко ээ. Хуситтердин көзөмөлүндөгү Эс-Салиф жээк аймагында да маанилүү порт бар.
Хуситтердин Кызыл деңиздеги Израилдин кемелерин жана союздаштарын бутага алган кол салууларына жооп иретинде АКШ жана Улуу Британия Худейда шаарына каршы операцияларын күчөттү.
Хуситтер мурунку күнү АКШ менен Улуу Британиянын борбор калаа Сана да болгон үч шаарга 25 абадан кол салуусу менен бир жарандын каза болгонун, 6 кишинин жараланганын жарыялашкан.
Иран колдогон хуситтер Израилдин Газадагы кол салууларына жооп иретинде 31-октябрда Йемендин жээктеринде Израиль фирмаларына байланышы бар соода кемелерин колго түшүрүп, айрымдарына учкучсуз учуучу аппараттар жана ракеталар менен кол сала баштаган.
АКШ күчтөрү бул мезгилде Йеменден көп жолу атылган ракеталарды жана камикадзе дрондорду атып түшүрүшкөнүн жарыялашты.
Глобалдык сооданын болжол менен 12 пайызы Жер Ортолук деңизди Кызыл деңизге туташтырган жана Европа менен Азиянын ортосундагы эң кыска жолду сунуш кылган Суэц каналы аркылуу ишке ашат.
