Испанияда көп кабаттуу имаратта өрт чыкты

Испаниянын Валенсия шаарындагы көп кабаттуу имаратта чыккан өрттөн алгачкы маалыматтарга караганда 4 киши каза болду. Араларында 6 өрт өчүрүүчү жана 1 бала да болгон  14 киши жабыркаган.

Кампанар районундагы 14 кабаттуу жана 138 батирлүү имараттан чыккан өрт көп өтпөй жанындагы имаратка да өттү.

Окуяда алгачкы белгилөөлөргө караганда 4 кишинин каза болгондугу, бирөөсү бала, 6 өрт өчүрүүчү болгон  14 кишинин жаралангандыгы, 19 кишинин да дайынсыз жоголгондугу белгиленди. 

Өрт өчүрүүчүлөр имараттын ичинде калгандарды балкондордон кран менен куткарышты.

Валенсия муниципалитети өрттө каза болгондордун элесине шаарда  3 күндүк аза күтүү жарыялады.

RTVE  агенттигинин маалыматына ылайык, аймакта талаа ооруканасы түзүлдү. Жетекчилер үйү күйгөндөрдүн мейманканаларга жайгаштырыла турганын айтышты.

Испаниянын премьер-министри Педро Санчес X аркылуу билдирүүсүндө : "Валенсиядагы имаратта чыккан өрт коркунучтуу. Өрттөн жабыркаган бардык адамдарга тилектештигимди жана окуя болгон жердеги бардык тез жардам кызматкерлерине ыраазычылык билдиргим келет",- деди.