Жо Байденге бир топ митингчи "геноциддин колдоочусу" деди

Америка Кошмо Штаттарынын Лос  - Анжелес шаарына барган президент Жо Байденге бир топ митингчи "геноциддин колдоочусу" деди. 

Лос - Анжелес сапарынын негизинде Калвер Сити Жулиан Диксон китепканасына сөз сүйлөө үчүн  барган Жо Байденге Палестинаны колдогон митингчилер каршылык көрсөттү.

Израилдин Газага карата кол салууларына колдоо берүүсүн  сынга алган бир топ митингчи Байден конвойдун коштоосунда имаратка бара жатканда "геноциддин колдоочусу" деген ураан жаадырышты. 

Байден сөз сүйлөп жатканда да митингчилер тарабынан сөздөрү үзгүлтүккө учуратылды. 

Сөз сүйлөгөндөн кийин Байдендин конвоюу  нааразычылык жана ураандардын коштоосунда имараттан чыкты. 

Газада көпчүлүгү аялдар жана балдардан турган жарандык жоготуулардын катталышына жана Израилдин  согуштук кылмыштары көптөгөн жолу БУУнун жетекчилери тарабынан да аныкталгандыгына карабастан  БУУнун Коопсуздук кеңешинде вето укугуна ээ болгон Америка Кошмо Штаттары аймакта ок атышууну токтотууга тоскоол болууда. 

Израилдин 7 - октябрдан бери Газа тилкесине кол салууларында каза болгон палестиналыктардын саны 29 миң 410го, жаралуулардын саны 69 миң 465ке жетти.