АКШ менен Улуу Британия Йеменге 11 жолу сокку урду

Йемендеги хуситтер Америка Кошмо Штаттары (АКШ) менен Улуу Британия тарабынан Йемендин батышындагы Худейде шаарына эртең мененки сааттардан бери 11 кол салуу болгонун жарыялашты.

Хуситтерге таандык Al-Mesirah телеканалынын кабарына караганда, АКШ менен Улуу Британия Худейда шаарынын ас-Салиф районундагы Рас-Иса аймагына бешинчи жолу абадан кол салды.

Эртең менен АКШ жана Улуу Британиянын аба күчтөрүнүн жээктеги Худейда шаарына 6 жолу сокку урганын жарыялаган.

Худейда Йемендин эң маанилүү шаарларынын бири болуп эсептелет, анткени ал узун жээкке ээ жана үч маанилүү портту камтыйт.

АКШнын Борбордук командирлигинин эртең мененки билдирүүсүндө, 19-февралда хуситтердин Йемендин Аден портуна багыт алган Греция желектүү, АКШга таандык «M/V Sea Champion» жүк ташуучу кемесин көздөй эки кемеге каршы баллистикалык ракета атканын жарыялаган.

Иран колдогон хуситтер Израилдин Газадагы кол салууларына жооп иретинде 31-октябрда Йемендин жээктеринде Израилдик фирмаларга байланышы бар коммерциялык кемелерди колго түшүрүп, айрымдарына учкучсуз учуучу аппараттар жана ракеталар ​​менен кол сала башташкан.

АКШ күчтөрү бул мезгилде Йеменден көп жолу атылган ракеталарды жана камикадзе дрондорду атып түшүрүшкөнүн жарыялашты.

Глобалдык сооданын болжол менен 12 пайызы Жер Ортолук деңизди Кызыл деңизге туташтырган жана Европа менен Азиянын ортосундагы эң кыска жолду сунуш кылган Суэц каналы аркылуу ишке ашат.