Израиль башкаруучулугу Эл аралык Адилет Сотун тааныбай турганын жарыялады

Израиль басып алынган Чыгыш Кудс жана Батыш Шериадагы иш-аракеттеринин укуктук натыйжалары талкууланган Эл аралык Адилет Сотундагы (ЭКС) угуунун «мыйзамдуулугун тааныбай турганын» жарыялады.

Израилдин оккупацияланган Палестина аймактарында Израилдин иш-аракеттеринин укуктук натыйжалары талкууланган Эл аралык Адилет Сотундагы угуулар тууралуу Израилдин премьер-министрлик кеңсеси билдирүү жасады.

Билдирүүдө угуулардын «Израилдин экзистенциалдык коркунучтарга каршы коргонуу укугуна зыян келтирүү максатында жасалганы» жана төмөнкү билдирүүлөр камтылганы белгиленип: «Угуулар, палестиналыктардын эч кандай сүйлөшүүлөрсүз дипломатиялык жыйынтыктарды айтуу аракетинин бир бөлүгү. Биз бул аракетке каршы күрөштү улантабыз. Бул маселеде Израиль өкмөтү менен Израиль парламенти бирдиктүү»,делди.

Израилдин Тышкы иштер министрлигинин басма сөз катчысы Лиор Хаиат социалдык медиа эсебинен жасаган билдирүүсүндө Палестина башкаруучулугун  «түз сүйлөшүүлөр аркылуу тыштан таңуулоосуз чечиле турган чыр-чатакты жалган айыптоолорду таңуулап, түп-тамырынан бери бурмаланган реалдуулук менен бир тараптуу жана орунсуз укуктук процесске айландыруу» менен күнөөлөдү.

Эл аралык Адилет Сотунда кечээ башталган угуулардын алкагында арасында Түркия да орун алган 52 мамлекет менен катар Араб Лигасы, Ислам Кызматташтык Уюму жана Африка Биримдиги, 26-февралга чейин Израилдин басып алган Чыгыш Кудс менен кошо Палестинанын жерлеринде иш-аракеттеринин укуктук натыйжалары тууралуу билдирүү жасашат.

Коомдук угуулар Нидерландиянын административдик борбору Гаагадагы Тынчтык сарайында иштеген Эл аралык Адилет Сотунда түз эфирден көрсөтүлөт.