Зеленский: «Биздин максат НАТОго мүчө болуу»
Украина президентинин кеңсесинин жазуу түрүндөгү билдирүүсүнө караганда, Зеленский Германияда өткөрүлгөн 60-Мюнхен коопсуздук конференциясында (MSC 2024) сөз сүйлөдү.
Украинанын президенти Владимир Зеленский алардын максаты НАТОго мүчө болуу экенин жана өздөрүн буга татыктуу деп эсептей турганын билдирди.
Украина президентинин кеңсесинин жазуу түрүндөгү билдирүүсүнө караганда, Зеленский Германияда өткөрүлгөн 60-Мюнхен коопсуздук конференциясында (MSC 2024) сөз сүйлөдү.
Украин аскерлеринин Донецк облусунун Авдиевка шаарынан чегинүү чечиминин логикалык жана адилеттүү чечим болгонун, анткени керектүү куралдар келгенге чейин украиналыктардын өмүрүн коргогондугун белгилеген Зеленский, Авдиевкадагы украин аскерлеринин курчоого алынбашы үчүн башка чек араларга тартылганын эске салды.
Колдорунда болгон куралдардын жетишсиз экенине көңүл бурган Зеленский Украинанын артиллерия жана алыскы аралыкка атуучу куралдарга муктаж экенин, бул жагынан өнөктөштөрүнөн колдоо күткөндөрүн айтты.
Украинанын НАТОго мүчөлүк процессине да токтолгон Зеленский: «Биздин максат НАТОго мүчө болуу. Мен ага татыктуубуз деп ишенем. Биз Украинаны альянска жакындатуу үчүн колдон келгендин баарын жасайбыз»,-деп өз баасын берди.
Зеленский Украинаны НАТОго мүчө болууга чакыруунун союздук чечим экенин жана аны азырынча бардык лидерлер колдой электигин, ошондуктан бул багыттагы аракеттер улана берерин билдирди.
