Хуситтер Израилди коркутту

Йемендеги Иран колдогон хуситтер эгер Израиль Газанын түштүгүндөгү Рефах шаарына жана Газанын бүтүндөй аймагындагы чабуулдарын күчөтсө, алар дагы чабуулдарын кеңейте тургандыктарын айтышты.

Хуситтердин Жогорку саясий кеңешинин мүчөсү Мохаммед Али аль-Хуси, премьер-министр Биньямин Нетаньяху баш болгон Израилдин расмий өкүлдөрүнүн Рефах шаарына кургактыктан чабуул жасайбыз деген билдирүүлөрүнөн кийин X социалдык медиа платформасында өзүнүн эсебинде билдирүү жасады.

Израилдин бүткүл Газа тилкесинде, өзгөчө Рефахта кол салууларын көбөйтсө операцияларын кеңейте тургандарын белгилеген Хуси, Израилдин кол салуулары жана Газаны курчоосу уланган сайын чабуулдардын улана турганын баса белгиледи.

Израилдин премьер-министри Биньямин Нетаньяху да 4-февралдагы билдирүүсүндө Рефах шаарына кургактан чабуул жасай тургандыктарын билдирген.

Газа тилкесинин түштүгүндө Египет менен чектеш жерде жайгашкан Рефах шаары 2,3 миллион калкы бар Газанын калкынын болжол менен жарымын кабыл алууда, миңдеген киши Израилдин кол салууларынан улам шаарга баш калкалоо менен жер которгон.