Финляндия Орусия менен чек арасын жабуу чечимин 14-апрелге чейин узартты

Финляндия "иммигранттардын мыйзамсыз агымына" каршы Орусия менен чек арасын жабуу чечимин 14-апрелге чейин узартканын жарыялады.

Финляндиянын ички иштер министри Мари Рантанен борбор калаа Хельсинкиде өткөргөн маалымат жыйынында сөз сүйлөдү.

Орусиядан “иммиграциянын” Финляндиянын улуттук коопсуздугу жана коомдук тартиби үчүн “олуттуу коркунуч” экенин билдирген Рантанен, Москванын иммигранттарды Финляндия чек арасына багыттаган “гибрид операциясын” токтоткондугунун эч кандай белгисин көрбөгөндөрүн айтты.

Рантанен ушул себептен Орусия менен чек араны жабуу чечиминин 14-апрелге чейин узартылганын кабарлады.

Хельсинки Москванын "гибрид операциясы" деп мүнөздөгөн качкындардын айынан эки өлкөнүн ортосундагы бир нече аптага созулган чыңалуудан кийин Финляндия 28-ноябрда Орусия менен чек арасын толугу менен убактылуу жапканын жарыялаган.

Чек ара пункттары 15-декабрда кыска мөөнөткө ачылганына карабастан жетекчилер өлкөгө көптөгөн иммигранттардын киргенин билдиргенден кийин Хельсинки администрациясы ошол эле күнү жергиликтүү убакыт боюнча саат 20:00да бул пункттардын 14-январга чейин жабыла турганын маалымдаган. 

11-январда Финляндия Орусия менен чек арасын жабуу чечимин дагы бир айга узарткан.