Ллойд Остин сауд арабиялык кесиптеши менен сүйлөштү

Америка Кошмо Штаттарынын (АКШ) коргоо министри Ллойд Остин Сауд Арабиялык кесиптеши Халид Бин Салман менен өлкөсүнүн Иордания-Сирия чек арасындагы базасына кол салуудан кийин жасаган жооп кайтарууларды талкуулады.

АКШнын Коргоо министрлигинин (Пентагон) жазуу түрүндөгү билдирүүсүнө караганда Остин менен Бин Салман телефон аркылуу сүйлөштү.

Анда эки тарап АКШнын Иордания-Сирия чек арасындагы базасына 3 аскеринин шейит болгон кол салуусу менен Йемендеги хуситтерге каршы кол салууларына жооп кайтарууну талкуулашты.

Остин X социалдык медиа платформасында маселеге байланыштуу билдирүү жасап: «Америка Кошмо Штаттары Ирак менен Сириядагы америкалык күчтөргө, ошондой эле Кызыл деңизде навигация эркиндигине карата хуситтердин коркунучтарына каршы күрөшүү үчүн аймактык өнөктөштөрү менен иштешүүнү улантат»,-деп айтты.

29-январда Сирия менен Иорданиянын чек арасындагы АКШга таандык Tower 22 базасына кол салууда 3 америкалык аскер каза болуп, 40тан ашуун аскер жараат алган.

Кол салууга жооп иретинде АКШ администрациясы убакыттын өтүшү менен жайылган көп катмарлуу чабуулдарды баштаарын жана Иран колдогон топтордун бутага алынарын жарыялады.

Жума күнү АКШнын президенти Жо Байден Сирия менен Ирактагы Ирандагы төңкөрүш сакчылары корпусун жана ага караштуу куралдуу топторду бутага алуу менен базалык чабуулга жооп бере башташканын жана бул жооп «өздөрү каалаган убакта жана жерлерде улана берерин» жарыялады.