Түндүк Корея канаттуу ракеталарын учурду

Түштүк Кореянын Башкы штабы, Түндүк Кореянын Сары деңизди көздөй канаттуу ракеталарын учурганын маалымдады.

Түштүк Кореянын Башкы штабынын билдирүүсүндө, Түндүк Кореянын жергиликтүү убакыт боюнча саат 07:00дө Сары деңизди көздөй канаттуу ракеталарды учурганы кабарланды.

Билдирүүдө канаттуу ракеталардын саны, учуу аралыгы, багыты жана жеткен бийиктиги тууралуу маалыматтар бөлүшүлгөн жок.

Түштүк Кореянын кыраакылык күчүнүн жогорулатылганы белгиленген билдирүүдө: «Армиябыз Түндүк Кореянын провокацияларына көз салуу үчүн АКШ менен тыгыз кызматташууда», - деп айтылды.

Сеулдагы Йонхап маалымат агенттиги, мунун Түндүк Кореянын акыркы жумадагы үчүнчү канаттуу ракета сыноосу экенин кабарлады.

Түндүк Кореянын маалымат агенттигинин (KCNA) 19-январдагы кабарына караганда, Түндүк Корея январь айында, иштелип жаткан «Haeil-5-23» суу астындагы өзөктүк курал системасын сынаган.