Бохлин анын өлкөсүндө согуш болушу мүмкүн экенин эскертти

Швециянын жарандык коргоо министри Карл Оскар Бохлин анын өлкөсүндө согуш болушу мүмкүн экенин эскертти.

Сален аскердик базасында өткөрүлгөн Улуттук эл жана коргонуу конференциясында сүйлөгөн сөзүндө Орусиянын олуттуу каралышы керектигин белгилеген Бохлин: «Швецияда да согуш болушу мүмкүн, элибиз согушка даяр болушу керек»,-деди.

Өлкөсүнүн 210 жылдан бери согушка барбаганына көңүл бурган министр Бохлин: «Орусиянын Украинага жасаган чабуулунун натыйжасында (2022-жылдан бери уланууда)  Европадагы коопсуздуктун ансыз да начар абалы өткөн жылы ого бетер начарлады. Орусиянын тездик менен кайра куралданышына абдан олуттуу мамиле кылуу керек. 210 жылга жакын убакыттан бери тынчтык швед эли үчүн жагымдуу шерик болуп келген. Бирок, бүгүнкү күндө бул абал өзгөрүп, коопсуздук маселеси курчуп кетти. Жооптуу министр катары мен швед элине бул фактыны түшүндүрүшүм керек», - деди.

Швеция өкмөтүнүн өлкөнүн согушка барышы мүмкүн экенине карата психикалык аң-сезимди пайда кылуу менен коргонуу жөндөмдүүлүгүн арттырууга аракет кылганын белгилеген Бохлин, Украинанын Орусияга каршы туруштук берүүсүн да үлгү алышкандарын айтты.