Израиль күчтөрү Батыш Шериадагы көп сандаган шаарда рейд жүргүздү
Рейдде кеминде 4 палестиналык жараланды.
Палестинанын WAFA маалымат агенттигинин билдиргенине караганда, Израиль аскерлери түн ичинде Хеброн, Наблус, Калкилья жана Рамалла шаарларына рейд жүргүзүштү.
Хеброндун түштүгүндөгү Ятта шаарчасынын көптөгөн жерлерине жүргүзүлгөн рейддер учурунда Израиль күчтөрү менен палестиналыктардын ортосундагы кагылышууда 4 палестиналык чыныгы ок менен жараланды.
Израиль аскерлери рейд учурунда үйлөрдү тинтип, унааларды токтотту.
Калкилянын чыгышындагы Аззун шаарында Израиль аскерлери менен палестиналыктардын ортосунда кагылышуу болду. Израиль аскерлери палестиналыктарга чыныгы ок, үн жана газ бомбалары менен жооп беришти.
Наблустагы рейддин дареги Кусра жана Бейта шаарлары болду. Израиль аскерлери Кусрадагы бир үйгө кирип, үйдөгү буюмдарга зыян келтиришти.
Рамалланын түндүгүндөгү Эль-Жалезун качкындар лагериндеги рейд учурунда Израиль күчтөрү да үйлөргө кирип, көп сандаган палестиналыкты камоого алды.
