Нетаньяху Газанын келечеги тууралуу сөз сүйлөдү, АКШнын көз карашы андай эмес

Израилдин премьер-министри Беньямин Нетаньяху «Газаны туруктуу оккупациялоонун» көз карашын коргой баштады.

Премьер-министрликтин басма сөз кызматынын жазуу түрүндөгү билдирүүсүнө караганда, Нетаньяху Палестина менен Израилдин ортосунда 1993-жылы жана 1995-жылы кол коюлган Осло келишимине токтолуп: «Позициямды ачык айткым келет; Израилдин Осло жаңылыштыгын кайталашына жол бербейм»,-деди.

Осло келишимдеринде, Израилдин келишим менен Газа тилкесин оккупациялоону токтотууну шарттаган.

Нетаньяху, Газада 7-октябрдан бери уланып жаткан басып алуу операцияларынын аяктагандан кийин аймактын кандай статуска ээ боло турганы боюнча АКШ башкаруусу менен пикир келишпестиктер бар экенин айтты.

Израилдин премьер-министри: «Бул маселеде бир пикирге келе алабыз деп үмүттөнөм»,-деп өз баасын берди.

Президент Байден жана анын командасы менен болгон катуу диалогдон кийин Газадагы кургактык операциясы үчүн «толук колдоо» алышканын белгилеген Нетаньяху ушундайча «согушту токтотуу үчүн эл аралык кысымдарга» бөгөт коюлганын айтты.

Нетаньяху билдирүүсүндө «Хамастын жок кылынышы жана Израилдик барымталардын кайтарылышы боюнча» көрсөткөн колдоосу үчүн АКШга ыраазычылык билдирип: «Газа Хамасстан да, Фатахистан да болбойт»,-деп айтты.

Ак үйдүн Улуттук коопсуздук кеңешинин стратегиялык коммуникациялар координатору Жон Кирби 4-декабрда ABC News телеканалына Израилдин кол салуулары уланып жаткан Газанын келечегине байланыштуу билдирүү жасап, Газада сөз ээси боло ала турган «реформаланган Палестина бийлигин» көрүүнү каалашкандарын айтты.

АКШнын вице-президенти Камала Харрис болсо 3-декабрда Палестинанын президенти Махмуд Аббас менен телефон аркылуу сүйлөшүп, анда алар Батыш Шериадагы кырдаалды талкуулашты жана АКШнын Палестина элине, анын коопсуздугуна, кадыр-баркына жана эркине колдоосун билдирип, эки мамлекеттүү чечим табууну баса белгилеген.