Иран Оман булуңунда 17 кемени конфискациялады

Иран өлкөнүн түштүк  - чыгышындагы Оман булуңунда контрабандалык күйүүчү май ташыган  17 кемени конфискациялагандыгын жана 12 кишинин камакка алынганын билдирди. 

Иран мамлекеттик телекөрсөтүүсүнүн кабарына караганда Чабахар деңиз базасынын командири Али Хажетпур контрабанда менен күрөшүүнүн негизинде Оман булуңунун жээгинде орун алган Чабахар шаарына жакын жерде жүргүзүлгөн операцияда 12 миң литр контрабандалык күйүүчү май ташыган  17 кеменин конфискациялангандыгын белгиледи. 

Ирандык командир операция учурунда  12 кишинин да камакка алынгандыгын айтты.