Нигерияда тик учак кырсыкка учурады

Нигерия аба күчтөрүнө таандык бир аскердик тик учак Риверс аймагында кырсыкка учурады.

NAF басма сөз катчысы Эдвард Габквет жазуу түрүндөгү билдирүүсүндө, Риверс штатында мунай ууруларына каршы операция үчүн учкан  «МИ-35П» тибиндеги аскердик тик учактын кыйраганын белгиледи.

Габквет  тик учактагы  5 аскердин жеңил жаралангандыгын жана дарыланып жаткандыгын айтты.

Тик учактын  кырсыкка учуроо  себебинин азырынча белгисиз экендигин айткан  Габквет окуя боюнча иликтөөнүн башталганын билдирди.