Еврокомиссиянын төрайымы Урсула фон дер Ляйен Сербияга барды

Еврокомиссиянын төрайымы Урсула фон дер Ляйен глобалдык баш аламандык учурунда кеңейүү Европа Биримдигинин (ЕБ) күн тартибинин эң башкысы экенин айтты.

Фон дер Ляйен кечээ Сербиянын президенти Александр Вучич менен жолугушуусунан кийин билдирүү жасап: «Биз Сербиянын Биримдикке кошулушун каалайбыз. Бул сунуш өз ара, ишеним жана өнөктөштүккө негизделген тынчтык жана гүлдөп-өсүү убадасы»,-деди жана ал Сербия бул мүмкүнчүлүктөн пайдаланат деп үмүттөнөрүн кошумчалады.

Фон дер Ляйен Сербия буга чейин ЕБге карай бара жаткан жолдо эң өнүккөн өлкөлөрдүн бири экенин, бирок Евробиримдиктин Сербияны ЕБ тышкы саясатына жакындата турган кадамдарды уланта беришин каалады. Комиссиянын төрагасы ошондой эле Евробиримдик Сербияга ишенүүнү каалай турганын жана аны жалпы принциптерди жана баалуулуктарды бөлүшкөн ишенимдүү европалык өнөктөш катары көрүүнү каалай турганын билдирди.

Вучич болсо Сербиянын тынчтыкты жана ырааттуулукту сактоого чечкиндүү экенин, милдеттенмелерин билгенин жана аларды аткара турганын белгиледи.

Президент Сербия үчүн анын конституциясына каршы эч нерсе кыла албасын жана бул тууралуу Сербиянын батыш өнөктөштөрүнө бир нече жолу билдиргенин кошумчалады.

Вучич: «Биз үчүн Косовонун эгемендүүлүгүн таануу көйгөй эмес жана мен муну менен сыймыктанам», - деди.

Приштинанын бир гана милдети Серб муниципалитеттеринин биримдигин түзүү экенин, бирок аны түзбөгөнүн айткан Вучич, Сербиянын Евробиримдикке кирүүдөгү көйгөйлөрү Евробиримдиктин тышкы саясатына туура келбегендиги, б.а. Сербиянын Орусияга санкцияларды ишке ашырбаганы жана Сербиянын Приштина менен болгон мамилеси экенин билдирди.