Грецияда төшөк курту коркунучу жайылууда

Грецияда өзгөчө жай айларында көбөйгөн төшөк курту коркунучу  барган сайын жайылып бара жаткандыгы билдирилди. 

Грециянын төшөк курттарын дезинфекциялоо компаниясы  биримдигинин төрагасы Йоргос Ламбру грек радиотелекөрсөтүү мекемеси ЕРТга жасаган билдирүүсүндө  жалпы өлкөдө өзгөчө туристтик аймактарда көп көрүлгөн төшөк курттарынан улам "коркунучтуу абалга" келгендигин белгиледи. 

Төшөк курттарынын жүк жана коомдук транспорт аркылуу оңой жайыларына  көңүл бурган Ламбру курт - кумурскалардын мейманканаларда, лагерлерде жана батирлерде бар экендигин билдирди.

Ламбру өзгөчө жай айларында көбөйгөн төшөк курту коркунучунун барган сайын жайылып бара жаткандыгын белгилеп, элдин саламаттыгына тескери таасиринин болбошу үчүн дары колдонууда  этият болууну эскертти. 

2024  Париж Олимпиадаларын өткөрө турган Францияда да дээрлик бардык жерде  кездешкен төшөк курту тууралуу тынчсыздануулар күч алып, төшөк курту мектептерде да чыкты.