Европа саясий шериктештиги Испанияда чогулду

Испаниянын кожоюндугунда Гранадада уюштурулган Европа саясий шериктештигинин (АСТ) үчүнчү жыйыны башталды.

Биринчиси өткөн жылы Чехияда, экинчиси да июнда Молдовада болгон жыйынга Европанын 40тан ашуун өлкөсүнүн мамлекет же өкмөт башчылары катышууда.

Жыйындын алкагында лидерлердин эки тараптуу жана көп тараптуу жолугушууларды өткөрүшү пландалууда. Бул сүйлөшүүлөрдө Украина, Косово, Карабактагы окуялар жана миграция сыяктуу темалардын талкууланышы күтүлүүдө.

АСТ жыйынынын кире беришинде басма сөзгө билдирүү жасаган Европа Биримдиги (ЕБ) Комиссиясынын төрайымы Урсула фон Дер Ляйен, Карабахтагы окуялардан кийин Арменияга гуманитардык жардам муктаждыктарын канааттандыруу үчүн колдоолорун билдирди.

Фон дер Ляйен Арменияга убада кылган 5,2 миллион евролук жардамды 10,4 миллион еврого көтөрүүнү сунуштагандарын, 15 миллион евролук түз жардам берүүнү да пландагандарын айтты.

АСТтин бир күндүк жыйынында «санариптештирүү, энергетика жана көп тараптуулук» деген темада тегерек стол жолугушуулары өткөрүлөт.