Трамп айыптоолорду четке какты

Америка Кошмо Штаттарынын (АКШ) мурдагы президенти Дональд Трамп Жоржияда 2020-жылдагы президенттик шайлоого кийлигишкен деген айыптоолорду четке какты.

Адвокат Стивен Садоу тарабынан Атланта Жогорку Сотуна тапшырылган арызда Трамп күнөөлүү эмес деп табылды.

Сотко берилген эки барактык досьеде “Бул документ менен расмий соттон баш тартам жана бул доодогу айыптоолор боюнча күнөөлүү эмес экенимди билдирем”,-деди.

Тиешелүү арыз менен Трамп келерки аптада боло турган алдын ала угууга катышуу укугунан да баш тартты.

Ал арада Трамп жана башка 18 айыпталуучу Жоржияда 2020-жылдагы президенттик шайлоого кийлигишти деп айыпталган сот процесси, телеканал жана интернет аркылуу түз эфирде көрсөтүлөт.

Америкалык басылмалардын маалыматына караганда, Фултон округунун судьясы Скотт Макафи бардык соттук отурумдарды Фултон райондук сотунун YouTube каналы жана сыналгысы аркылуу түз алып көрсөтүүнү буйруду.

Дональд Трамп Жоржия штатында Атланта чоң жюриси тарабынан 15-августта 2020-жылдагы шайлоонун жыйынтыгына кийлигишкен деген айып менен айыпталып, айыптоо корутундусунун алкагында 24-августта багынып берген.

Бул доонун алкагында 200 миң доллар деп белгиленген күрөө суммасын төлөгөн Трамптын багынып берген учурда камоо делосуна биринчи жолу сот фотосүрөтү тартылган.

Трамп сот фотосүрөтү тартылган биринчи америкалык президент катары тарыхта калды.

Дональд Трамп 24-августта багынып бергенден бери өзүнүн талапкерлиги үчүн 7,1 миллион доллардан ашык кайрымдуулук каражатын чогулткан.