Уругвайдагы суу маселеси
Чара көрүүнүн алкагында өкмөттүн социалдык жардам программасынан муктаж болгон 21 миң адамга күнүнө 2 литр суу бекер бериле турганы айтылды.
Уругвай кургакчылыктан улам суу маселесин баштан кечирүүдө.
Уругвайдын президенти Луис Альберта Лакалле Поу, кээ бир өкмөт өкүлдөрү менен бирге өткөргөн маалымат жыйынында борбор шаар Монтевидео аймагындагы суу кризисине каршы кээ бир чараларды көргөндөрүн билдирди.
Президент Поу өкмөттүн Монтевидео метрополия аймагында сууга байланыштуу өзгөчө абал жарыялаганын айтып, шишеленген сууну салыктан бошотууну, Сан-Хосе дарыясынан суу ташуу үчүн суу сактагычты жана түтүктөрдү курууну, муктаждарга сууну бекер бөлүштүрүүнү ишке ашырууну чечкенин билдирди.
Поу ошондой эле ооруканаларда, карылар үйлөрүндө, балдар жана үй-бүлө борборлорунда суу менен камсыздоонун кепилденгенине да көңүл бурду.
Чара көрүүнүн алкагында өкмөттүн социалдык жардам программасынан муктаж болгон 21 миң адамга күнүнө 2 литр суу бекер бериле турганы айтылды.
Уругвайдагы кургакчылыктан улам резервуарлардагы суу азайып, магистралдык суудагы туз менен хлордун деңгээлинин жогорулаганы маалымдалды.
Жетекчилер, олуттуу жаан-чачын болбосо борбор Монтевидео менен метрополияда суунун айдын аягында же июлдун башында түгөнөрүн божомолдошууда.
