Майон жанар тоосунан лаванын агымы улантылууда

Филиппиндин борбор шаары Маниладан 330 километр түштүк-чыгышта жайгашкан Майон жанар тоосунан 11-июнда атылып баштаган лаванын 2,5 километрге жеткендиги белгиленди.

Филиппиндин жанар тоо илими жана сейсмология институту (Phivolcs) Майон жанар тоосундагы кыймылдуулуктун ушул убакка чейин 6,2 баллдык жер титирөө, 301 таш кулоо жана эки күчтүү буу менен күлдүн атылышына себеп болгонун жарыялады.

Phivolcs жанар тоодон аккан лаванын 2,5 километр аралыкка жеткенин билдирди.

11-июнда лава атыла баштаган Майон жанар тоосу мындан мурда 2018-жылы жарылып, он миңдеген адамдын үйлөрүн таштап кетүүсүнө себеп болгон.

Өткөн аптада лава агымы башталгандан бери аймактан 20 миңден ашуун адам эвакуацияланды.