АКШ менен Кытайдын тышкы иштер министрлери жолугушту

Америка Кошмо Штаттарынын (АКШ) мамлекеттик катчысы Энтони Блинкен Кытайга жасаган расмий сапарынын алкагында кечээ кесиптеши Чин Ганг менен жолугушту.

Кытайдын Тышкы иштер министрлигинен жасалган билдирүүгө караганда министр Чин Ганг, Кытай-АКШ карым-катнаштарынын дипломатиялык карым-катнаштар курулгандан берки эң начар абалда экенине көңүл буруп, бул абалдын эки өлкөнүн элдеринин кызыкчылыгына жана эл аралык коомчулуктун күтүүлөрүнө туура келбегендигине көңүл бурду.

Кытай Америка Кошмо Штаттары менен болгон мамилелерин төрага Си Цзиньпин тарабынан коюлган өз ара урматтоо, тынчтыкта ​​жанаша жашоо жана утушка ээ кызматташуу принциптеринин алкагында көрөрүн билдирген Чин Ганг, бул принциптердин мамилелердин жалпы руху, максаты жана кызыл сызыгы болушу керектигин баса белгиледи.

Чин Ганг АКШ менен стабилдүү, алдын ала көрө билген жана конструктивдүү мамиле түзүүнү каалагандарын белгилеп: «Биз Кошмо Штаттарды Кытайга карата объективдүү жана рационалдуу көз карашты кабыл алып, Кытай менен мамилелердин саясий негизин сактап калуу жана айрым күтүлбөгөн окуяларды кылдат, токтоо жана профессионалдуу түрдө чечүү үчүн иштешет деп үмүттөнөбүз»,-деди.

Кытай министри тараптар АКШ менен Кытай лидерлеринин Балидеги жолугушуусунда жетишилген түшүнүштүн мазмунуна жана рухуна ылайык мамилелерди кайрадан туруктуу нукка салууга аракет кылышы керектигин баса белгиледи.

Тайвань маселеси Кытайдын эң түпкү кызыкчылыгы, анын эң маанилүү маселеси жана Кытай-Америка мамилелериндеги эң ачык коркунуч экенин баса белгилеген Чин Ганг, АКШ тарапты «бир Кытай» принцибин карманууга, дипломатиялык мамилелердин негизин түзгөн Үч биргелешкен декларациядагы милдеттенмелерин аткарууга жана «Тайвандын көз карандысыздыгын колдобоо» убадасын сактоого чакырды.

АКШнын Мамлекеттик департаменти тарабынан жасалган билдирүүдө министр Блинкен жаңылыш кабыл алуу жана жаңылыш эсептөөлөр коркунучун болтурбоо үчүн ар түрдүү көйгөйлүү аймактарда жана дипломатияда байланыш каналдарын ачык кармоонун маанилүүлүгүнө көңүл бурганы белгиленди.

Билдирүүдө министр Блинкен мамилелердеги тынчсыздандырган көптөгөн маселелерди, ошондой эле Кытай менен кызыкчылыктары дал келген трансулуттук маселелерде кызматташуу мүмкүнчүлүктөрүн айтканы белгиленип,«Мамлекеттик катчы Америка Кошмо Штаттары ар дайым Америка элинин кызыкчылыктарын жана баалуулуктарын коргой турганын ачык айтты жана эркин, ачык дүйнөнү жана эрежелерге негизделген эл аралык тартипти коргоо үчүн союздаштары жана өнөктөштөрү менен иштешет»,делди.

Билдирүүдө Билинкендин диалогду улантуу үчүн Чин Гангды Вашингтонго чакырганы белгиленди.

Жолугушуунун жүрүшүндө тараптар Кытай-АКШ мамилелериндеги жетектөөчү принциптер боюнча консультацияларды улантуу, биргелешкен жумушчу топ менен мамиледеги айрым көйгөйлөрдү чечүү, бизнес жана билим берүү тармагында элдердин өз ара аракеттенүүсүн өнүктүрүү боюнча макулдашышты.