НАТО менен ЕБ ортосунда Косово сүйлөшүүсү

НАТОнун баш катчысы Йенс Столтенберг Европа Биримдигинин (ЕБ) тышкы байланыштар жана коопсуздук саясаты боюнча жогорку өкүлү Жозеп Боррелл менен бир канча убакыттан бери чыңалуу күчөгөн Косово тууралуу сүйлөштү.

Столтенберг Боррелл менен телефон сүйлөшүүсүнө байланыштуу социалдык медиадан билдирүү жасады.

Косово менен Сербиянын ортосунда нормалдашууну караган Европа Биримдигинин жетекчилигиндеги Белград-Приштина диалогунун дароо башталышы керектигин баса белгилеген Столтенберг, бул тынчтык жана нормалдашуу үчүн жалгыз жол экенин белгиледи.

Столтенберг: «Приштина деэскалацияны басаңдатып, бир тараптуу, дестабилдештирүүчү кадамдарга барбашы керек»,-деди. Ал НАТОнун Косово тынчтык күчтөрүнүн (KFOR) коопсуз чөйрөнү камсыз кылууну уланта турганын баса белгиледи.

Косовонун түндүк бөлүгүндө, негизинен сербдер жашаган Лепосавич, Звечан жана Зубин Поток муниципалитеттеринде полициянын дайындалышына каршы чыккан косоволук сербдер менен коопсуздук күчтөрү ортосунда кагылышуу болду.

Косово полициясы окуяда 5 полиция кызматкеринин жеңил жарадар болгонун жана 4 полиция унаасы жабыркаганын жарыялады.

Серб радиосу жана телекөрсөтүүсү (RTS) кабарында Сербиянын президенти Александр Вучич армияга «даяр болгула» деген буйрук бергени жана аскерлердин Косово чек арасына көчкөндүгү белгиленген.