Суданда ок атышпоо режимин бузуулар болуп жатат...

Суданда апрель айынын ортосунан бери кагылышып жаткан армия жана жарым аскерлештирилген Ыкчам колдоо күчтөрү (HDK) бири-бирин эки күн мурда башталган бир жумалык ок ​​атышпоо келишимин бузду деп айыпташты.

Сауд Арабиянын Жидде шаарында жарыяланган ок атышпоо экинчи күнү тараптар тарабынан бузулду.

Айыгышкан кагылышуулар борбор шаар Хартумдун борборунда, түндүгүндөгү Бахриде жана батышындагы Умдурманда болду.

Армиядан жасалган билдирүүдө HDKнын батышта Чад менен чектеш Эль-Жунайна жана Залинже шаарларына кол салганы, түштүктө Эль-Убейд шаарын курчоону улантканы жана борбор шаар Хартумдагы ооруканаларды оккупациялоону улантып, 22-майдан тарта жарыяланган бир жумалык ок ​​атышпоо режимин бузганы белгиленди.

Билдирүүдө HDKнын борбор калаанын түндүгүндөгү Вади Сейидина аскердик аба базасына кол салып, борбордогу акча басылуучу жайга кол салганы, кыймылдаткычы иштебей калгандыктан кечээ аскердик учактын кыйраганы, бирок эки учкучтун учакты тирүү таштап кеткени маалымдалды.

HDK билдирүүсүндө армиянын согуштук учактар  менен кол салуу, артиллериялык аткылоо жана кургактыктан кол салуулар менен ар башка жерлерде ок атышпоону бузганы белгиленди.

Өзүн коргоо укугу колдонулганы белгиленген билдирүүдө борбор шаар Хартумдагы Габе көчөсүндөгү армиянын чабуулунун мизин майтарып, 3 танктын колго түшүрүлгөнү белгиленди.

Билдирүүдө, «Борбордун батышындагы Умдурманда учактар Хартумдагы аскерлерибиздин позицияларына чабуул жасашты, Миг үлгүсүндөгү учак атып түшүрүлдү»,делди.

Тараптар эл аралык коомчулуктун ортомчулугу менен 20-майда ок атышууну токтотууну жарыялашты, ал 22-май дүйшөмбү күнү саат 21:45тен тарта күчүнө кирген.

Армия бир кезде колдогон, бирок көз карандысыз жана параллелдүү армия сыяктуу кыймыл кылганы үчүн коркунуч катары кабыл алган HDKнын 2 жылдын ичинде толук түрдө армияга интеграцияланышын талап кылса, HDK болсо муну жарандык өкмөттөн менен 10 жыл өткөндөн кийин болжол менен бир мөөнөттө кабыл алаарын жарыялады. Кайым айтышуулар жана күчөгөн чыңалуу 15-апрель күнү эртең менен борбор шаар Хартумда жана ар кайсы шаарларда тараптардын ортосунда куралдуу кагылышууга айланды.

Судандын Саламаттыкты сактоо министрлиги кагылышуу башталгандан бери 709 кишинин каза болгонун, 5424ү жарадар болгонун жарыялады.