Мицотакис өкмөттү түзүү милдетин кайтарып берди

Грецияда 21-майда болгон жалпы шайлоонун 2-партиясы Радикал Солчул Альянстын (СИРИЗА) лидери Алексис Ципрас президент Катерина Сакеларопулу берген өкмөт түзүү мандатын четке какты.

Президент Сакеларопулу өкмөттү түзүү тапшырмасын берүү үчүн кабинетине чакырган негизги оппозициянын лидери Ципрас коалициялык өкмөт түзүү үчүн керектүү шарттардын жоктугун белгиледи.

Ципрас:"Мен конституциялык жоопкерчилигимден улам мен өкмөттү түзүү милдетин өз мойнума албай турганымды айтайын деп келдим. Анткени өкмөттү түзүүгө мүмкүнчүлүк жок",-деп айтты.

Грецияда кечээ президент Катерина Сакеларопулу өкмөттү куруу милдетин тапшырган премьер-министр жана Жаңы демократия партиясынын лидери, парламенттик шайлоонун жеңүүчүсү Кириакос Мицотакис милдетин кайтарган.

Президенттиктин билдирүүсүндө, Мицотакис Сакеларопулуга телефон аркылуу байланышып, өкмөттү куруу милдетин кайтарып бергенин билдирген болчу.

Билдирүүдө Сакеларопулунун шайлоодогу экинчи партия болгон Радикал Солчул Альянстын (СИРИЗА) лидери Алексис Ципрасты кабыл алганы жана бул жолу ага өкмөт түзүү милдетин тапшырары айтылды.

Мурунку күнү Грецияда өткөрүлгөн парламенттик шайлоонун расмий эмес жыйынтыктарына караганда, Жаңы Демократия 40 пайыздан ашык добушка ээ болуп (146 орун) эң жакын атаандашы СИРИЗАны 20 упай артта калтырды, бирок өз алдынча бийликке келе турган 151 орунга жете алган жок.

СИРИЗА 20,07 пайыз добушка ээ болуп 71 орун менен экинчи орунду алды.

Шайлоо жарышында үчүнчү болгон ПАСОК-КИНАЛ альянсы 11,46 пайыз добуш менен 41 мандатка ээ болду.

Грециядагы шайлоо системасына ылайык, үкөктөрдүн жыйынтыгы эч бир партиянын бийликке жалгыз келишине шарт түзбөсө, коалиция түзүү үчүн сүйлөшүүлөр жүргүзүлөт. Коалиция боюнча консенсуска жетишилбесе, шайлоочулар үчүн үкөктөр экинчи жолу коюлат.

Экинчи жолу үкөккө барганда 300 орундуу парламентте добуштардын пайызына жараша биринчи партияга эгерде  25 пайыздан кем эмес добуш алса 20дан 50гө чейин кошумча орун берилет.