Ливияда Башага кызматын орун басарына өткөрүп берди

Ливияда 2021 -  жылы  24 -  декабрда президенттик жана парламенттик шайлоонун өткөрүлбөшүнөн улам Тобруктагы  Өкүлдөр  парламенти тарабынан 2022 -  жылы февраль айында  премьер  - министр болуп шайланган Фетхи Башага кызматын орун басарына өткөрүп берди. 

Башага өлкөнүн чыгышындагы Тобрукта Өкүлдөр парламентинин  төрагасына кайрылып жазган арызында : "Ливиянын вице  - премьер  - министри Али Фараж ел  -  Катраниге бардык милдет жана жоопкерчилигибизди өткөрүп бергендигибизди билдирем",- деп билдирди. 

Ливиянын чыгышындагы куралдуу күчтөрдүн лидери Халифе Хафтердин көзөмөлүндөгү аймактарда 2022 -  жылдын февраль айынан бери иштеп жаткан Башага  өкмөтү Түркия жана эл аралык арена тарабынан  таанылган эмес. 

Башага Ливия Улуттук макулдашуу өкмөтүнүн премьер  - министри Файиз ес  -  Серраж мезгилинде ички иштер министрлиги кызматын аткарган.

Акыркы бир жумадан бери, өзгөчө Ливиянын чыгышында, Башаганын коррупциялык айыптоолордон улам кызматтан алынаары же кызматтан кете турганы сөз болуп жаткан.