Тель-Авивде Нетаньяхуга каршы демонстрациялар...

Тель-Авив жана Хайфа шаарларында чогулган жүздөгөн израилдик кечээ кечинде маалымат жыйынында премьер-министр Нетаньяхунун «акыркы террордук окуялар үчүн оппозицияны күнөөлөөсүнө» каршы чыгышты.

Тель-Авивдин негизги артерияларынын бири болгон Айалон шоссесин жол кыймылына жапкан топтор менен полициянын ортосунда кагылышуу болду.

Социалдык тармактарда тараган видеолордо демонстранттардын бири полицияга «Месжид-и Аксада эмне кылдың?» деген ураан менен каршылык көрсөткөнү көңүл бурду.

Haaretz гезити 8 демонстранттын кармалганын жазса, полициянын билдирүүсүндө Тель-Авивдеги демонстрацияда 2 кишинин кармалганы белгиленди.

Полиция мыйзамсыз деп жарыялаган демонстрацияга кийлигишсе, демонстранттар «мыйзамсыз демонстрация деген нерсе жок» деп нааразылык акцияларын улантышты.

Израилдин премьер-министри Биньямин Нетаньяху кечээ кечинде мурда кызматтан алынган коргоо министри Йоав Галланттын кызматын уланта турганын Тель-Авивдеги Израилдин аскердик штабында талаштуу сот тартиби жана өлкөдөгү акыркы коопсуздук абалына байланыштуу билдирүүсүндө жарыялады.

Нетаньяху Израилдин террор толкуну менен бетме-бет келгенин жана мурдагы өкмөт учурунда көптөгөн окуялар болгонун айтты.