Азад Кашмирдин премьер - министри кызматынан алынды

Пакистанда Азад Кашмирдин премьер-министри Сердар Танвир Ильяс сот бийлигин кемсинткендиги үчүн кызматынан бошотулду.

Улуттук басма сөздө орун алган кабарларга караганда Азад Кашмир Жогорку соту Ильясты  сөзүндө сот бийлигин бутага алган сөздөрү үчүн сотко чакырды.

Пакистандын мурдагы премьер-министри Имран Хан жетектеген Пакистандын Адилеттик кыймылы партиясынын мүчөсү Ильяс сотко каршы билдирүүлөрү үчүн жазуу түрүндө кечирим сурады.

Сот кечирим суроону кабыл алган жок жана Ильястын мамлекеттик кызматта иштөө үчүн жетишсиз  экенин билдирди. Ильясты сот бийлигине акаарат келтиргени үчүн кызматтан алган сот премьер-министрдин депутаттыгын да алды. Ушундайча Ильяс "сотко карата акаарат кылудан кызматтан алынган Азад Кашмирдин биринчи премьер-министри" болду.

Ильяс Азад Кашмир парламентинде берилген добуштардын натыйжасында 2022 - жылы 18 -  апрелде премьер  - министр болуп шайланган.