БУУ Эфиопияда кызамыкка каршы эмдөө өнөктүгүн баштады
ЮНИСЕФтин билдирүүсүндө, эмдөө учурунда балдардын физикалык жана ден соолук абалынын да текшерилери белгиленди.
Бириккен Улуттар Уюму (БУУ) ички кагылышуулар токтогон Эфиопиянын Тиграй облусунда 800 миң баланы кызамыкка каршы эмдөө өнөктүгүн баштады.
Акциянын алкагында БУУнун Балдар фонду (ЮНИСЕФ) жана Бүткүл дүйнөлүк саламаттыкты сактоо уюму Тиграйда 6 айдан 59 айга чейинки 800 миңден ашуун баланы эмдөөнү максат кылууда.
ЮНИСЕФтин билдирүүсүндө, эмдөө учурунда балдардын физикалык жана ден соолук абалынын да текшерилери белгиленди. Мындан тышкары, кагылышуулардан улам Ковид-19 вакцинасын ала албаган кош бойлуу же эмчек эмизген аялдар да саламаттыкты сактоо мекемелеринде эмдөөдөн өтсө болору айтылды.
Болжол менен 6 миллион адам жашаган Тиграйда 2020-2022-жылдары саламаттыкты сактоо кызматтары блокададан улам токтоп калган.
2022-жылдын ноябрында козголоңчулар менен өкмөт ортосунда тынчтык орногондон кийин аймакка ден соолук каражаттары кайра жеткириле баштады.
2 жылга созулган кагылышууларда 600 миңге жакын адамдын өмүрү кыйылганы болжолдонууда.
Жүз миңдеген адамдардын жер которуусуна алып келген согуш аймакта чоң гуманитардык трагедияга себеп болгон.
