Франциядагы май куюучу станцияларда кезек күтүүлөр пайда болду

Франциядагы мунай иштетүүчү заводдордо пенсия реформасына каршы чыккан күйүүчү май кызматкерлеринин иш таштоосу уланып жатканда, өлкөнүн экинчи эң жыш шаары Марселде дем алыш күндөн бери ар кайсы май куюучу станцияларда кезек күтүүлөр пайда болду.

Жергиликтүү маалымат каражаттарынын билдиргенине караганда, мунай иштетүүчү заводдордун жумушчулары өкмөттүн пенсия реформасына каршы 7-марттан бери иш таштоодо.

Өлкөдөгү 7 нефтини кайра иштетүүчү заводдун 6сында иш таштоо уланып жатканда, Марсель шаарын да камтыган Буше-дю-Рон провинциясында күйүүчү май менен камсыздоодогу көйгөйлөр тереңдеп баратат.

Дем алыш күндөрү шаардын ар кайсы май куюучу жайларында кезек күтүүлөр пайда болду.

Ал ортодо реформага каршы чыккандар жолдорду бууп жатышат.

Француз басма сөзүндө орун алган кабарга караганда реформага каршы чыккандар жалпы эмгек биримдигинин (CGT) желектерин көтөрүп, Версаль станциясынын айланасында рельске чыгып, поезд каттамдарына тоскоол болушту.

Ренн шаарында демонстранттар шаарга кирүү жана чыгуулар жасалган жолду жана кесилишин тосушту.

Франциянын жарандык авиация башкы директорлугу (DGAC) авиакомпаниялардан 21-22-март күндөрү Париждеги Марсель жана Орли аэропортторунда аба кыймылынын диспетчерлеринин иш таштоосунан улам 20 пайыз каттамдарын токтотууну суранды.

Өкмөт реформанын алкагында пенсия курагын акырындык менен 62ден 64кө көтөрүүнү максат кылууда.