Багама аралдарында трагедиялуу окуя: 17 адам каза болду

Багама аралдарына жакын жерде кайыктын оодарылып кетишинен 17 мигрант каза болду.

Америка Кошмо Штаттарына жетүү үчүн бараткан жана ичинде болжол менен 60 мигрант болгон кайык Нью Провиденс аралынан 11 чакырым алыстыкта ​​чөгүп кетти.

Жетекчилер кырсыктан 17 мигранттын каза болгонун, 25инин куткарылганын билдиришти.

Дайынсыз жоголгондорду издөө-куткаруу иштери уланууда.

Багама аралдарынын премьер-министри Филипп Дэвис пресс-конференцияда, мигранттардын ылдам жүрүүчү кайык менен АКШнын Майами шаарына алып барылууга аракет кылынганын жана деңиздин өтө толкундуу экенин айтты.

Багама органдары мигранттардын аткезчилиги менен байланышы бар эки шектүүнүн кармалганын белгилешти.