Грецияда медицина кызматкерлери иш таштоого чыгышты

Грециянын борбор шаары Афинада медицина кызматкерлери саламаттыкты сактоо системасына бөлүнгөн бюджеттин жана кызматкер санын көбөйтүлүшүн талап кылуу менен иш ташташты.

Грециянын Коомдук оорукана кызматкерлери федерациясынын (POEDIN) чакырыгы менен саламаттыкты сактоо кызматкерлери Афинада жана айланасында иш таштоого чыгышып, бир группа болсо Саламаттыкты сактоо министрлигинин алдына нааразылык акциясына чыгышты.

Мавили аянтында башталган нааразылык акциясы Саламаттыкты сактоо министрлигинин алдында аяктады.

Митингге чыккандар министрликтин алдында ураандар менен сектордогу кызматкер санынын азайгандыгына көңүлдөрдү бурушту жана саламаттыкты сактоо боюнча мамлекеттик  бюджеттик каражаттын көбүрөөк бөлүнүшүн талап кылышты.