Ковид - 19 балдарда кан диабети коркунучун жаратат

Окумуштуулар коронавирустун жаңы түрү Ковид-19дун  балдарда кант диабети менен ооруп калуу коркунучун күчөтөрүн аныкташты.

Америка Кошмо Штаттарынын  Ооруларды көзөмөлдөө жана алдын алуу борборлорунун изилдөөчүлөрү 2020 - жылдын мартынан 2021 - жылдын июнуна чейин Ковид-19дун диабетке тийгизген таасирин изилдешти.

Окумуштуулар Ковид-19ду жуктурган балдардын кант диабетине чалдыгуу коркунучу вирус жукпагандарга караганда жогору экенин аныкташты.

Изилдөөдө Ковид-19 инсулин өндүрүүчү клеткаларга зыян келтирип, кант диабети коркунучун жараткандыгы байкалды.

Мичиган университетинин Мотт  балдар ооруканасынын адис доктору Инас Томас ооруканада Ковид -19 менен дарыланган балдардын 30 пайызы 1-типтеги диабетке чалдыкканын белгиледи.

Сан-Диегодогу Rady балдар ооруканасында эпидемиянын биринчи жылында (2020) кант диабети менен ооругандардын саны андан мурдагы жылга салыштырмалуу болжол менен 60 пайызга өскөндүгү жарыяланды.

Изилдөөдө Ковид-19га чейин кант диабети менен ооруган балдарда абалдын начарлашы мүмкүн экени белгиленген.

1-типтеги кант диабети уйку бези тарабынан инсулин өндүрүшүнүн токтошу же басаңдашынын натыйжасында пайда болот.