Прайс: «Түркия менен Катар Кабул аэропортунан кадимки учуулар үчүн аракет кылууда»

Америка Кошмо Штаттарынын (АКШ) Мамлекеттик департаментинин басма сөз катчысы Нед Прайс, Кабул аэропортунан кадимки рейстердин жана чартердик каттамдардын башталышы үчүн Түркия менен Катардын аракеттерди көрүп жатканын айтты.

Прайс күнүмдүк пресс-брифингинде Ооганстандагы акыркы кырдаалга баа берди.

Кабулдагы «Хамид Карзай» эл аралык аэропортунан чартердик каттамдардын акырындык менен башталып жатканын белгилеген Прайс, аэропорттон үзгүлтүксүз аба каттамдары ооган эли үчүн да, эл аралык коомчулук үчүн да, Талибан үчүн да маанилүү экенин айтты.

Мазар-и Шарифтен күтүлгөн каттамдардын башталбашын да жакындан байкап жатышканын белгилеген Прайс, шаардан учуулардын башталышы керек экенин жана бул боюнча аракет кылып жатышканын айтты.

Экинчи жагынан катчы, 31-августтан бери Ооганстандан 36 америкалык жарандын жана АКШда жашоого уруксаты бар 24 адамдын эвакуацияланганын билдирди.