Малиде 15 террорист жок кылынды

Малинин Буркина Фасо чек арасында өткөн жумада 15 террорист жок кылынды.

Жергиликтүү маалымат каражаттары француз армиясы 9 - январда Буликесси аймагында террордук уюм Аль Каидага байланыштуу топко кол салгандыгын маалымдашты.

Кол салууда 15 террорист жок кылынып, көп сандаган ок – дарынын колго түшүрүлгөндүгү  белгиленди.

Малиде Франциянын «Бархане» операциясынын алкагында декабрдын аягынан январдын башына чейин 5 аскер өлтүрүлдү.

2013 - жылдан бери Нигер, Чад, Мавритания, Буркина Фасо жана Малидеги «Бархане» операциясында жалпысынан 50 аскер каза болуп, ага 5100 аскер катышкан.