Хейко Маас менен Жан - Ив Ле Дриан Израилдин аннексия планын сынга алды

Германиянын тышкы иштер министри Хейко Маас Израилдин Батыш Шерианы аннекция кылуу планынан тынчсызданганын айтты.

Маас өлкөсүнө барган Франциянын тышкы иштер министри Жан-Ив Ле Дриан менен борбор шаар Берлинде өткөргөн жолугушуудан кийин пресс- жыйын өткөрдү.

Дүйнөдө көптөгөн келишпестиктердин ​​бар экендигин белгилеген Маас көп тараптуу мамилени сактап, эрежелерге негизделген эл аралык тартипти чыңдоону каалагандыгын билдирди.

Маас француз кесиптеши менен Жакынкы Чыгыштагы тынчтык процессин талкуулашкандарын айтып : «Экөөбүз тең Израилдин аннекция пландарынан бир гана Израиль үчүн эмес, бардык аймактын ырааттуулугу жана коопсуздугу үчүн тынчсыздануудабыз»,- деди.

Ле Дриан Жакынкы Чыгышта тынчтык процессинин улантылышы керек экендигин баса белгилеп : «Европадагы өнөктөштөрүбүз менен аннекцияга тоскоол болуу үчүн жакындан иштеп жатабыз»,- деди.

Ыктымалдуу аннексиянын эл аралык мыйзамдарды бузарын белгилеген Ле Дриан келечекте палестиналыктардын Израилде тынчтыкта ​​жашашы үчүн 2 мамлекеттүү пикирдин бир гана чечүүчү жол болорун айтты.

Ле Дриан аннексиянын аймакта туруксуздукка алып келерин бирок мунун болушун каалашпагандарын билдирди.