Англия ханышасы Элизабет II расмий твиттер баракчасына жетекчи издеп жатат...

Бакингем сарайы, ханыша Элизабет IIнин 2 миллион 77 миң байкоочуга жеткен Твиттер баракчасын башкаруу үчүн жылдык 30 миң фунт стерлинг айлык акы менен жетекчи издеп жатат.

Ханышанын расмий веб баракчасы аркылуу жарыяланган жумуш оруну боюнча жарыяда, ылдам жана динамикалуу топ менен иштешүү үчүн санариптик байланыш адиси изделип жатканы билдирилди.

Жарыядагы бул жумуштун толук баяндамасында, ханышанын твиттер баракчасы менен катар Youtube жана Facebook баракчаларынын жетекчилиги да орун алууда.

Анда жылына 30 миң фунт стерлинг айлык акы менен катар 15 пайыз үлүштүк пенсия планы жана жеке билим алууларын да камтыган ар тараптуу кошумча пайда пакети убада кылынууда.

Жарыяга караганда талапкерлердин университетти бүтүргөн, келечекке карай көз караштуу, веб сайт жөнүндө тажрыйбалуу, жаратуучу болушу жана фотосүрөт менен видео тармагын да мыкты билиши күтүлүүдө.