Гебрейесус Палестина Қызыл Жарты ай қоғамына шабуылдарды айыптады
Гебрейесус «X» әлеуметтік желісіндегі аккаунтынан мәлімдеме жасады.
Дүниежүзілік Денсаулық сақтау ұйымының Бас хатшысы Тедрос Адханом Гебрейесус Газа секторының оңтүстігіндегі Хан Юнус қаласындағы Палестина Қызыл Жарты ай қоғамының штаб-пәтеріне жасалған шабуылды айыптады.
Гебрейесус «X» әлеуметтік желісіндегі аккаунтынан Израильдің Палестина Қызыл Жарты ай қоғамының штаб-пәтерін нысанаға алған шабуылы туралы хабарлама жасады.
Газа секторының оңтүстігіндегі Хан Юнус қаласындағы Қызыл Жарты ай орталығы мен Палестина Қызыл Жарты ай қоғамына тиесілі «Әл-Эмел» ауруханасын нысанаға алған шабуылдарды айыптаған Гебрейесус «Бомбалаулар ұжданға сыймайды. Газа секторының денсаулық сақтау жүйесі қазірдің өзінде күйреді. Денсаулық сақтау қызметкерлеріне жанжал арқылы өз жұмыстарын орындауға үнемі кедергі келтіріледі» деді.
Гебрейесус сондай-ақ Газа секторындағы бейбіт тұрғындарға азық-түлік, медициналық құрал-жабдықтар және су сияқты негізгі қажеттіліктерді жеткізу мақсатты «тез арада атысты тоқтатуды қамтамасыз ету» үшін жасалған халықаралық шақыруларды да қолдағанын білдірді.
Палестина Қызыл Жарты ай қоғамы жасаған жазбаша мәлімдемеде Израиль армиясының Газа секторының оңтүстігіндегі орталықтарының 8-ші қабатын нысанаға алғанын атап көрсеткен болатын.
Шабуыл кезінде 5 палестиналықтың қаза тапқаны, 3 палестиналықтың жараланғаны хабарланды.
