Көптеген елде Палестинаға қолдау көрсету шеруі өткізілуде
Канаданың Торонто қаласында Палестинаға қолдау көрсету шеруі өтті.
Колумбия мен Бразилияда мыңдаған адам Израильдің Газаға жасаған шабуылдарына наразылық көрсетті.
Колумбияның астанасы Боготадағы 7-ші даңғылға жиналған халық қолдарында Палестина туымен тарихи Боливар алаңына қарай жүрді.
Мұнда жиналған шерушілер «Азат Палестина» және «Бұл соғыс емес, геноцид» деген ұран салып, Газадағы жағдайға назар аударды.
Бразилияның Рио-де-Жанейро қаласында Палестинаға қолдау көрсету үшін шеруге шыққан шерушілер де Израильдің Газаға жасаған шабуылдарына наразылық білдірді.
Шерушілер Газада Палестина халқына қарсы геноцид жасалғанын баса айтып, Палестина туын көтеріп жүрді.
Шерушілер халықаралық қауымдастықты «тұрақты атысты тоқтатуға» шақырды.
7 қазаннан бері Бразилияның түрлі қалаларында ұйымдастырылған шерулерде Израильдің шабуылдарына наразылық көрсетті.
Америка Құрама Штаттарының астанасы Вашингтонда жаңа жылдық шырша жағу рәсімінде Палестинаға қолдау көрсету демонстрациясы өтті.
Ақ Үй алдына жиналған бір топ шерушілер қолдарына Палестина туларын ұстап, Палестинаға қолдау көрсетті.
Канаданың Торонто қаласындағы Онтарио заң шығарушы ассамблеясының ғимараты алдында Палестинаға қолдау көрсету шеруі өтті.
