Францияда зейнетақы реформасына қарсы наразылық шеруі өтті

Францияның бас қаласы Парижде зейнетақы реформасына қарсы шерулер кезінде полиция мен шерушілер арасындағы қақтығыста 11 адам жараланып, 47 адам тұтқындалды.

Француздар Париж, Нант, Ренн және Тулуза сияқты бірнеше қалада зейнетақы реформасына қарсы шеруге шықты.

Париждегі шерушілер «Опера» алаңынан «Бастилия» алаңына дейін жүріп өтті.

Қолында «Франция президенті Эммануэль Макронды отставкаға кетірейік» жазған баннерлер ұстаған шерушілер «Жұмысшылардың абыройы мен одан жақсы бір әлем үшін осындамыз», «Көтеріл Париж» және «Макрон, сені үйіңнен алып кетеміз» деп ұрандар тастады.

Кортеж өтетін көшелердегі көптеген дүкеншілер терезе жапқыштарын жауып тастады.

Шеру кезінде полиция мен демонстранттар арасында ара-тұра шиеленіс пайда болды.

Полиция демонстранттарды соққыға жығып, көз жасаурататын газбен жауап қайтарды.

Ел баспасөзі ресми дереккөзге сілтеме жасап жариялаған хабарында 11 адам, оның ішінде 1 демонстрант пен 10 полиция қызметкері жарақат алып, 47 адамның тергеуге алынғанын білдірді.