Копенгагендегі қарулы шабуылда 3 адам қаза тапты

Данияның астанасы Копенгагендегі сауда орталығында (AVM) кеше жасалған қарулы шабуылда 3 адамның қаза тауып, 4 адамның ауыр жарақат алғаны хабарланды.

Копенгаген полициясының баспасөз хатшысы Сорен Томассе шабуылда 3 адамның қаза болғанын, 2-і Швеция азаматы болған 4 адамның ауыр жарақат алғанын атап көрсетті.

Томасс жеңіл жарақаттардың да көп болғанын айтты.

Күдіктінің аз уақытта ұсталғанын айтқан Томассе шабуылдың террорлық әрекет емес екеніне тоқталды.

Дания премьер-министрі Метте Фредериксен көңіл айту хатында "Туыс-туғандарынан айырылғандарға көңіл айтамын. Мен даниялықтарды осы қиын кезде бірге болуға және бір-бірін қолдауға шақырғым келеді" деген сөздер қолданды.

Данияның астанасы Копенгагеннің Амагер аймағындағы «Field's» сауда орталығында кеше қарулы шабуыл жасалып, оқиғадан кейін ұсталған күдіктінің 22 жаста және даниялық екені айтылды.