Швейцариялық журналист PKK-ның азаптауын әшкереледі

Швейцариялық журналист Курт Пельда террор ұйымы PKK/KCK-ның елдегі құрылымында істейтін 6 террористтің 1 адамды ауыр азаптағанын жазды. 

Берндегі Berner Zeitung газетінің қызметкері журналист Пельда «Биелдегі бір пиццерияның жертөлесіндегі азаптау» атты хабарында Швейцария билігі мен PKK арасындағы қарым-қатынасқа да назар аударады. 

Швейцариялық журналистің айтуынша, аты Айдын К. болып өзгертілген және мейрамханада пиццерия болып жұмыс істейтін бір адам PKK-лық 6 террорист тарапынан 6 сағаттан астам ұйым атынан жәбірленіп, өліммен қорқытылған. 

Аудан прокуроры дайындаған айыптау актінде 6 PKK-лықтың 2019 жылдың мамыр айында бір мейрамхана қоймасында Айдын К-ға қарсы «аяусыз жәбірлеу», «азаптау», «күштеп мойындату» және «соққыға жығу» сияқты қылмыстарды жасағаны атап көрсетілді. 

Мұның барлығының себебі ретінде Айдын К-ның Түркияда қамауға алынған PKK мүшесі мейрамхана иесі туралы алға тартылған хабарламасы. Айдын К. керісінше, өзіне тағылған айыптарды жоққа шығарды. 

Прокуратураның айыптауында PKK-лық террористердің Айдын К-ны шамамен 10 минуттай пиццерияның тоңазытқышына қамап қойғаны, құрбанды «бар сүйектерін сындырамыз, кесеміз кейін мұздатқышта қалдырамыз» деп қайта-қайта қорқытқаны, балаларының суреттерін көрсетіп оларға зиян келтірумен қорқытқаны орын алды. 

Журналист Пельда азаптауға қатысқан 6 адамның 4-інің сотқа берілгенін, белгісіз біреу мен Дениз Д. елден қашып кеткенін хабарлады. 

Швейцариялық мекемелердің бұл іске қатысты қабылдаған шараларын «күдік туғызатындай» деп сипаттаған Пельда ұйымның жоғарғы лауазымдысы Дениз Д. мен екінші қашқынның қашуына Швейцария билігінің қатысы бар деп айыптады. 

Пельда Швейцария мен PKK байланысына орын берген хабарында «Белгісіз бір азаптаушы мен Дениз К. атты террорист қашып кетті. Бұл кездейсоқтық емес. Пиццериядағы оқиғаға ашуланған федералды орган швейцариялық PKK басшысымен байланысқа шығып, ескерту жасады. Осыдан кейін Дениз Д. тез арада чемоданын жинап, шетелге қашып кетті. Biel аумағына жауапты прокурор бастапқыда тек ел көлемінде тұтқындау туралы тапсырма берді, сол үшін Дениз Д. қашып құтыла алды. Биліктің PKK-ны тым ашық түрде әшкерелеуді қаламайтынын көрсететін көптеген белгі бар» деп жазды.