Генерал Марк Миллей Талибанға қарсы ескертті

Америка Құрама Штаттары (АҚШ) Бас штаб басқармасы төрағасы генерал Марк Миллей АҚШ әскерлері Ауғанстаннан шегінген соң  Ауған үкіметінің Талибанмен байланысты жағымсыз жағдайларға тап болуы мүмкін екенін ескертті.

Миллей «Ассошиэйтед Пресс» ақпарат агенттігіне жасаған мәлімдемесінде ауған күштерінің өте жақсы жабдықталғанын, оқу-жаттығуының жоғары деңгейде екенін, дегенмен халықаралық қолдаусыз "Талибанның кезкелген шабуылына қарсы дайын" деп айта алмайтынын тілге тиек етті.

Ауғанстанда Кабул үкіметі мен Талибан арасында саяси келісім ықтималы бар екеніне назар аударған Миллей бұл жүзеге асқан жағдайда барша алаңдаған "жаппай соғыс" рискінің жойылатынын баса айтты.