ხორვატიაში საპარლამენტო არჩევნები მიმდინარეობს

დღეს, ხორვატიაში საპარლამენტო არჩევნები იმართება. პარტიები 151-ადგილიან პარლამენტში უმრავლესობის მოსაპოვებლად იბრძოლებენ.

ხმის მიცემის პროცედურა ადგილობრივი დროით, 07:00 საათზე დაიწყო და 19:00 საათზე დასრულდება.

საპარლამენტო არჩევნებზე 6 ათას 884 საარჩევნო ცენტრში ხმის მიცემას 3 მილიონ 733 ათას 283 რეგისტრირებული ამომრჩეველი შეძლებს, მათგან 222 ათას 197 საზღვარგარეთ იმყოფება.

ქვეყნის საარჩევნო კომისიის მიერ გაზიარებული მონაცემების მიხედვით, 151-მანდატიან პარლამენტში მოსახვედრად 2302 კანდიდატი იბრძოლებს.

კანდიდატების 42 პროცენტი ქალია.

სავარაუდოდ, არჩევნების პირველი არაოფიციალური შედეგები დღეს შუაღამისას გამოცხადდებოდა.