ემანუელ მაკრონი ლუის ინასიო ლულა და სილვას შეხვდა

საფრანგეთის პრეზიდენტი ემანუელ მაკრონი, რომელიც სამდღიანი ოფიციალური ვიზიტის ფარგლებში ბრაზილიაში ჩავიდა, პრეზიდენტ ლუის ინასიო ლულა და სილვას შეხვდა.

შეხვედრა ამაზონის რეგიონის ქალაქ ბელენში გაიმართა.

ბრაზილიის საგარეო საქმეთა სამინისტროს განცხადებაში აღნიშნულია, რომ ლულა და სილვა და მაკრონი გაემგზავრებიან უმბოის კუნძულზე და კაკაოს განვითარების პროექტს შეისწავლიან.

განცხადებაში ასევე ნათქვამია, რომ მაკრონი ხვალ რიო-დე-ჟანეიროში ორივე ქვეყნის 200 ბიზნესმენს შეხვდება და შემდეგ სან-პაულოში გაემგზავრება.