როდის გაიმართება სირიის საკითხთან დაკავშირებით ოთხმხრივი შეხვედრა?

თურქეთის, რუსეთის, სირიისა და ირანის საგარეო საქმეთა მინისტრების შეხვედრის თარიღი თანდათან ცნობილი ხდება.

საგარეო საქმეთა მინისტრმა მევლუთ ჩავუშოღლუმ ერთ-ერთ კერძო ტელეარხზე დღის წესრიგთან დაკავშირებით შეფასებები გააკეთა.

ჩავუშოღლუმ განაცხადა, რომ სირიის საკითხთან დაკავშირებით შეხვედრა, რომელიც დაგეგმილია რუსეთის დედაქალაქ მოსკოვში, მაისის დასაწყისში გაიმართება.

„მომდევნო პერიოდში დაგეგმილია ოთხმხრივი შეხვედრა, საგარეო საქმეთა მინისტრების დონეზე. ვფიქრობთ, ეს მოხდება მაისში, რუსებისგან მიღებული ინფორმაციით. შეხვედრა იქნება მოსკოვში, როგორც წინა შეხვედრები გაიმართა“, განაცხადა ჩავუშოღლუმ.

შეგახსენებთ, რომ 3-4 აპრილს მოსკოვში თურქეთის, რუსეთის, ირანის და სირიის საგარეო საქმეთა მინისტრების მოადგილეების შეხვედრა გაიმართა. შეხვედრაზე, მხარეებმა განიხილეს საგარეო საქმეთა მინისტრების მორიგი შეხვედრისთვის მზადების საკითხები და თითოეულმა ქვეყანამ თავისი პოზიცია და შეხედულებები გამჭვირვალედ დააფიქსირა.

ამ კონტექსტში მხარეები შეთანხმდნენ კონსულტაციების გაგრძელებაზე.