ავღანეთში მყოფმა ბოლო გერმანელმა ჯარისკაცებმა ქვეყანა დატოვეს

გერმანიის თავდაცვის მინისტრმა ანეგრეტ კრამპ-კარენბაუერმა განაცხადა, რომ ავღანეთში მყოფმა უკანასკნელმა გერმანელმა ჯარისკაცებმა ქვეყანა დატოვეს.

კრამპ-კარენბაუერმა Twitter– ით გაკეთებულ განცხადებაში აღნიშნა, რომ ბოლო გერმანელმა ჯარისკაცებმა საღამოს ავღანეთი უსაფრთხოდ დატოვეს.

”20 წლის შემდეგ ჩვენი ყველაზე ინტენსიური მისია საზღვარგარეთ დასრულდა” - წერს მინისტრი.

გერმანიის არმიის მიერ გაკეთებულ განცხადებაში აღინიშნა, რომ ავღანეთში გერმანელი ჯარისკაცების ნატოს მისია დასრულებულია.

გერმანელი ჯარისკაცები 2001 წლიდან იმყოფებოდნენ ავღანეთში, საერთაშორისო უსაფრთხოების დახმარების ძალების (ISAF) და მოგვიანებით ”მტკიცე მხარდაჭერის” მისიის ფარგლებში. მისიის პერიოდში სულ 59 გერმანელი ჯარისკაცი დაიღუპა.

ბოლოს „მტკიცე მხარდაჭერის“ მისიის ფარგლებში ავღანეთში 1100 გერმანელი ჯარისკაცი იმყოფებოდა.

ამერიკის შეერთებული შტატების ადმინისტრაციამ განაცხადა, რომ იგი დაიწყებდა ავღანეთიდან გასვლას 1 მაისიდან, სადაც მას ძალები განლაგებული ჰყავდა 20 წლის განმავლობაში ნატოს მისიის ფარგლებში და რომ გაყვანა დასრულდება 2001 წლის 11 სექტემბრის ტერაქტების 20 წლისთავზე.