მიანმარში დაღუპულ მომიტინგეთა რიცხვი 581-მდე გაიზარდა

მიანმარში სამხედრო გადატრიალებისა და არჩეული მთავრობის წევრების დაკავების მოწინააღდეგეთა საპროტესტო გამოსვლების უსაფრთხოების ძალების მიერ იარაღის ძალით დაშლის შედეგად დაღუპულთა რიცხვი 581-მდე გაიზარდა.

პოლიტიკურ პატიმართა დახმარების ორგანიზაციის (AAPP) ყოველდღიურ ანგარიშში ნათქვამია, რომ ბოლო 24 საათში 11 ადამიანი დაიღუპა.

იქვე აღნიშნულია, რომ დაღუპულთა მთლიანი რაოდენობა 581-მდე, დაკავებულთა კი 2 ათას 750-მდე გაიზარდა.

გადატრიალების მოწინააღმდეგე 463 ადამიანის შესახებ კი დაკავების გადაწყვეტილებაა მიღებული.

მეორეს მხრივ, ცნობილი გახდა, რომ მიანმარის არმიამ დაარბია ეკლესიები კაჩინის შტატში მომიტინგეების მოსაძებნად.

ინტერნეტ გვერდის The Irrawaddy-ის ინფორმაცით, პროვინციის რაიონ მოჰნინში სამხედროები, იმ მოტივით, რომ იქ მომიტინგეები იმალებიან, ზოგიერთ ეკლესიაში შეიჭრნენ და შიგნით მყოფებს თავს დაესხნენ.  

ცნობილი გახდა, რომ სამხედროებმა ამ ეკლესიების კარი შეამტვრიეს და ზოგიერთი ნივთი დააზიანეს.