Ərdoğanla Putin arasında telefon danışığı olub

Prezident Rəcəb Tayyib Ərdoğan və Rusiya Prezidenti Vladimir Putin arasında telefon danışığı baş tutub.

Telefon söhbətində “Sputnik V” peyvəndinin Türkiyəyə çatdırılması mövzusunda fikir mübadiləsi aparılıb.

Tərəflər Qarabağ məsələsini, xüsusilə, Rusiya-Türkiyə Birgə Monitorinq Mərkəzinin fəaliyyətini müzakirə ediblər.

Bundan başqa, prezidentlər arasında Suriyadakı vəziyyət, koronavirus pandemiyası ilə mübarizə və digər məsələlər müzakirə mövzusu olub.